TEMBUNG RANGKEP

Tembung rangkep (Basa Indonesia: kata ulang) yaiku tembung kang ditulis utawa diwaca kaping pindho.  Tembung rangkep kaperang dadi tembung dwilingga, rangkep dwipurwa, lan rangkep dwiwasana.

a.         Tembung Rangkep Dwilingga

Tembung dwilingga yaiku tembung kang diwaca kabeh linggane kaping pindho. Tembung dwilingga dhewe kaperang maneh dadi dwilingga padha swara lan dwilingga salin swara.

»      Dwilingga Padha Swara

Diarani padha swara amarga linggane diucapake kaping pindho lan ora malih swarane.

Tuladhane: bapak-bapak, mlaku-mlaku, esuk-esuk, lsp.

»      Dwilingga Salin Swara

Diarani salin swara amarga swarane wis ganti utawa malih.

Tuladhane: riwa-riwi, bola-bali, meta-metu, lsp.

»      Dwilingga Semu

Dwilingga semu uga diarani dwilingga murni, amarga tembung-tembung kasebut ora ana linggane.

Tuladhane: orong-orong, kupu-kupu, lsp.

b.        Tembung Rangkep Dwipurwa

Tembung rangkep dwipurwa yaiku tembung kang dirangkep wanda ana ing ngarep dhewe, ateges tembung kang dirangkep iku wanda ngarepe.

Tuladha:

»        Guyu dadi gu-guyu = geguyu

»        Luhur dadi lu-luhur = leluhur

c.         Tembung Rangkep Dwiwasana

Tembung rangkep dwiwasana yaiku tembung kang dirangkep ana ing wanda kang buri.

Tuladha:

»      Cengis dadi cengis-ngis = cengingis

»      Busik dadi busik-sik = besisik

 

Daftar Pustaka

http://jv.wikipedia.org/wiki/Tembung_rangkepwi

http://zuhroscorpio.blogspot.com/2012/11/macam-macam-tembung-rangkep.html