NULIS LAYANG

Jinis-jinising layang yaiku:

a)        Layang dhines, yaiku layang tumrap kantor.

b)        Layang dhawuh utawa parentah, yaiku surat pribadi kang ngemu bab parentah.

c)        Layang lamaran, yaiku layang kanggo nglamar panggawean.

d)       Layang ulem, yaiku layang kanggo wong kanga rep duwe gawe.

e)        Layang iber-iber, yaiku layang kang sipate pribadi.

f)         Layang lelayu, yaiku layang kang isine babagan kabar duka utawa anane wong mati.

g)        Layang wasiyat, yaiku layang kang isine piwelinge wong tuwa kang digawe dasurunge seda.

h)        Layang kekancingan, yaiku surat keputusan.

Sawise mangerteni bab jinising layang, banjur kang kudu dimangerteni yaiku babagan perangan-perangan layang, ing antarane:

1.    Titi mangsa, nerangake dina lan wektu ditulise layang.

Tuladha:

Semarang, 5 Desember 2013

2.    Satata basa, nerangake lamat layang kang dituju.

Tuladha:

Kangge Bapak Atmadja

Bonangrejo, RT 01 RW 03

Bonang, Demak

3.    Adangiyah, nerangake salam pambukane layang.

Tuladha:

Pamuji rahayu; salam taklim kula sekaliyan; kairing sagunging pakurmatan; lan liya-liyane.

4.    Purwaka basa, nerangake pambukane layang.

Tuladha:

Sesarengan serat menika kula ngaturi pirsa bilih kawontenan awontenan kula sakulawarga ing ngriki tansah pinaringan kawilujengan lan kasarasan.

5.    Surasa basa, nerangake isine layang.

6.    Wasana basa, nerangake panutupe layang.

Tuladha:

Wasana cekapp semanten kabar saking kula, benjang gantos dinten dipunsambung malih.

7.    Salam panutup, nerangake salam sabubare nulis layang.

Tuladha:

Nuwun; matur nuwun, lsp.

8.    Peprenahan, neraangake kang nulis layang.

Tuladha:

Serat saking putra; Simbahmu; Sukasna; lsp.

9.    Tapak asma, yaiku tapak asmane kang nulis layang.

10.  Asma terang, yaiku nama terange kang nulis layang.

Kapethik saka: Fokus Basa Jawa 11A