PARIKAN LAN WANGSALAN

1.        Parikan

Parikan yaiku unen-unen kang mawa paugeran telung werna, yaiku:

a.       Kadadeyan saka rong ukara kang dhapukane nganggo purwakanthi guru swara.

b.      Saben saukara kadadeyan saka rong gatra.

c.       Gatra kapisan minangka  purwaka, dhene gatra kapindo minangka uwose.

Tuladha:

o   Abang-abang ora legi

Tiwas magang ora dadi

o   Manuk emprit mucuk pari

Dadi murid sing taberi

o   Kembang mlathi werna peni nggandha peni

Watak putri kudu gemi lan setiti

2.        Wangsalan

Wangsalan yaiku unen-unen saemper cangkriman kanthi mratelakake batangane utawa tebusane sara sinandi. Jinising wangsalan yaiku:\

a.       Wangsalan lamba

Wangsalan lamba yaiku wangsalan kang isi batangane mung siji.

Tuladha:

Aja jenang gula lho, Le! (jenang gula = glali, dadi batangane lali)

b.      Wangsalan rangkep

Wangsalan ramgkep yaiku wangsalan kang isi batangane luwih saka siji.

Tuladha:

Kolik priya, wanara Anjani putra.

Tuhu eman, wong enom dadi kangelan.

(Kolik priya = mauk tuhu, dadi batangane tuhu. Anjani putra = Anoman, dadi natangane eman)

c.       Wangsalan memet

Wangsalan memet yaiku wangsalan sing cara nggoleki batangane sarana ngonceki maksude tetembungane ambal kaping pindho.

d.      Wangsalan padinan

Wangsalan padinan yaiku wangsalan kang ora lumrahe mratelakake batangan sabab wong-wong wis padha ngerti batangane.

Tuladha:

Roning mlinjo, yen wis sayah kena ngaso.

(roning mlinjo = so, dadi batangane ngaso)

e.       Wangsalan purwakanthi basa

Wangsalan purwakanthi basa yaiku wangsalan kang edi peni, kepenak dirungu sabab migunakake purwakanthi basa.

Tuladha:

Cipta arda, ardaning tyas mring sasama.

Tyas susila, nur raga ambek jatmika.

(Cipta arda = nepsu. Ardaning tyas mring sasama = ambek)

Daftar Pustaka:

Kusumawati, Ikke. 2009. Fokus Basa Jawa 10A. Solo: CV. Sindunata.