KERETA BASA

Kéreta basa uga disebut jarwa dhosok. Kéreta ateges asal usul tegesing tembung. Kereta basa ateges bab negesi surasaing tembung awewaton asal utawa mula-bukanipun, lumrahe kapirid saka wewancahane, kajupuk sunduk prayogane. Jarwa nduweni teges wedharan utawa katrangan, déné dhosok nduweni teges pikajeng (kekarepan) ndhesek, nyodohake majeng. Jarwa dhosok bisa ditegesi katrangan mungguhe tembung sarana dikira-kira utawa miturut kekarepane kang nerangake.

Tuladhane kereta basa:

1.        Anak ditegesi                   : Karep apa-apa kudu anal an enak

2.        Bapak ditegesi                 : Bab apa-apa pepak (kawruh lan pengalamane akeh)

3.        Batur ditegesi                  : Embat-embating tutur (kena diajak musyawarah/mupakatan)

4.        Bocah ditegesi                 : Yen mangan kaya kebo, penggaweane ora kecacah

5.        Brekat ditegesi                 : Dideleh mak breg terus diangkat

6.        Cangkem ditegesi            : Yen ora dicancang ora mingkem

7.        Cangkir ditegesi               : Kanggo nyancang pikir

8.        Cengkir ditegesi               : Kencenge pikir

9.        Copet ditegesi                  : Ngaco karo mepet-mepet

10.    Denawa ditegesi              : Ngeden hawa (ngumbar hawa nepsu)

11.    Desember ditegesi            : Gedhe-gedhene sumber

12.    Dhalang ditegesi              : Ngudhal piwulang

13.    Dongeng ditegesi             : Dipaido ora menging (dipaido meneng)

14.    Dorang ditegesi                : Aja maido marang pangeran

15.    Garwa ditegesi                 : Sigaraning nyawa

16.    Gedhang ditegesi             : Saged padhang; digeget bar madhang

17.    Gerang ditegesi                : Segere wis aranga-arang

18.    Guru ditegesi                   : Kena digugu lan ditiru

19.    Gusti ditegesi                   : Bagusing ati

20.    Gethuk ditegesi                : Yen digeget karo manthuk-manthuk

21.    Januari ditegesi                : Hujan saben ari

22.    Kaji ditegesi                     : Tekade siji (ngantebi manembah mring Gusti Allah)

23.    Kathok ditegesi                : Diangkat sirok-sitok

24.    Kodhok ditegesi              : Teka-teka ndhodhok

25.    Kotang ditegesi                : Sikute diutang

26.    Krikil ditegesi                  : Keri ing sikil

27.    Kuping ditegesi                : Kaku njepiping

28.    Kupluk ditegesi                : Kaku nyempluk

29.    Kursi ditegesi                   : Yen diungkurake banjur diisi

30.    Ludruk ditegesi                : Gulune gelo-gelo, sikile gedrug-gedrug

31.    Maling ditegesi                : Njupuk amale wong sing ora eling

32.    Mantu ditegesi                 : Dieman-eman meksa metu

33.    Maratuwa ditegesi           : Mara-mara ketemu tuwa

34.    Mata ditegesi                   : Kamot barang kang nyata

35.    Nopember ditegesi           : Ana sumber

36.    Oktober ditegesi              : Untub-untub sumber

37.    Pebruari ditegesi              : Yen mepe buru ari

38.    Prawan ditegesi                : Yen pepara (lelungan) kudu wayah awan

39.    Saru ditegesi                    : Kasar lan keliru

40.    Sega ditegesi                    : Yen wis seseg dadi lega

41.    Sejarah ditegesi                : Sajane ngarah (yen dina riyaya utawa idul fitri)

42.    Sekuter ditegesi               : Sambi sendheku mlayu banter

43.    Sepatu ditegesi                 : Yen wis ditlesepke ora bisa metu

44.    September ditegesi           : Sepi-sepine sumber

45.    Sepuh ditegesi                  : Sandane ampuh

46.    Simah ditegesi                  : Isine omah

47.    Sinom ditegesi                 : Isine enom

48.    Sirah ditegesi                   : Isine rah

49.    Siti ditegesi                      : Isine bulu bekti

50.    Sopir ditegesi                   : Yen ngaso mampir

51.    Seruwal ditegesi               : Saru yen nganti uwal

52.    Sulap ditegesi                   : Yen kesusu bakal ketilap

53.    Tandur ditegesi                : Nata karo mundur

54.    Tapa ditegesi                    : Tatane kaya wong papa

55.    Tarub ditegesi                  : Ditata supaya katon murub

56.    Tayub ditegesi                 : Ditata supaya katon guyub

57.    Tebu ditegesi                   : Antebe kalbu

58.    Tegas ditegesi                  : Tegel tur gragas

59.    Tepas ditegesi                  : Titip napas

60.    Tuwa ditegesi                  : Untune wis rowa; ngenteni tukune nyawa

61.    Wanita ditegesi                : Wani ditata

62.    Wedhang ditegesi            : Dianggo gawe kadang

63.    Wedhus ditegesi              : Suwe ora tau adus (ambune ora enak)

64.    Weteng ditegesi               : Ruwet tur peteng

Daftar Pustaka

Rahardjo, S. 2003. Pepak Basa. Surakarta: ITA

http://jv.wikipedia.org/wiki/Kerata_basa